.category-resolution .post-meta { display:none; }

ASSOCIATION OF

HAWAIIAN CIVIC CLUBS

A RESOLUTION

No. 2018 – 24

E KĀKOʻO I KE KIKOWAENA ʻO ʻIMILOA NO KONA KULEANA HOʻONAʻAUAO E ALAKAʻI I KA ʻIKE ʻŌIWI A ME NĀ KUMUWAIWAI HAWAIʻI MA HALE PŌHAKU MA MAUNA KEA

ʻOIAI, ua kūkulu ʻia Ke Kikowaena ʻo ʻImiloa (ʻImiloa) ma luna o ka hana pū ʻana ma waena o ke kaiāulu Hawaiʻi, e alakaʻi ʻia ana e Ka HakaʻUla ʻo Keʻelikōlani, Ke Kulanui ʻo Hawaiʻi ma Hilo a me ke kaiāulu kilolani ma ka hua mai ʻana mai o kona nuʻukia a me ke ala nuʻukia;

ʻOIAI, he kipuka ʻo ʻImiloa e hōʻākoakoa mai ana i nā ʻano poʻe likeʻole no ke komo piha ma nā hanana ʻōiwi Hawaiʻi e hōʻike aku ana I ke kālaiʻike a me ka naʻauao ʻepekema mai ka makahiki 2006; a

ʻOIAI, ma kēia mau makahiki he ʻumikūmākolu, ua kipa mai ma ʻō aku o ka 1,000,000 poʻe iʻImiloa, mai nā pae keiki kula kamaliʻi a i ke kula kiʻekiʻe, nā haumāna kulanui, nā kumu kula, ka poʻe kaiāulu Hawaiʻi, nā malihini i Hawaiʻi, nā kaiāulu ʻepekema like ʻole, a me hui kaiāulu like ʻole mai ke ao holoʻokoʻa no ka ʻike ʻana i ka hana ma ʻImiloa me ka mālama ʻia ʻana o nā hoʻonaʻauao me kekahi mau kaiaulu no ka lehulehu a puni ka honua; a

ʻOIAI, he kuʻikahi ko ʻImiloa me Ka Haka ʻUla ʻo Keʻelikōlani no ka hoʻokumu ʻia ʻana o nā hanana a pāhana hoʻi no ka hoʻoulu ʻōlelo Hawaiʻi ma nā hana kūmau o ke kilohōkū ma o ka ʻōlelo Hawaiʻi me ke kapa inoa ʻana i nā mea hou o ke aolewa ma ka ʻōlelo HawaiʻI; a

ʻOIAI, he lālā nō ʻo ʻImiloa ma ka hui ʻOhana Waʻa ma ka manawa i hoʻokumu ʻia ai ia hui me nā hui holowaʻa ma Hawaiʻi e like hoi me Hokuleʻa, Makaliʻi, Hawaiʻiloa, Moʻokiha, Namahoe a me Hōkūalakaʻi a ʻImiloa e kākoʻo ai ma o nā kumu waiwai, nā kākoʻo kaʻakālai, e like hoʻI me ka hale kilohōkū, no ke aʻo aku i ka ʻike kilohōkū HawaiʻI no ke kākoʻo I ka holowaʻa HawaiʻI; a

ʻOIAI, he hana pakanā ʻo ʻImiloa me nā Hale Kilolani o Mauna Kea ma ka mālama ʻana i ka Papahana Hoʻonaʻauao Kilohōkū no ke kaiāulu; a

ʻOIAI, kūkulu pilina ʻo ʻImiloa a hoʻoikaika i nā kaʻaʻike me hoa pakanā o nā ʻano mahele likeʻole, e like me nā kulanui, nā kula noiʻi, i hiki ke hui ma luna o nā hanana a me ka ʻike Hawaiʻi ma ka hoʻohui ʻana i ka ʻaoʻao ʻōiwi a me ka ʻepekema a e hoʻohua mai kekahi hāʻina no ke ao holoʻokoʻa, a me

ʻOIAI, ʻo ʻImiloa wale nō paha ke kikowaena kilohōkū ma Amelika me nā hanana ʻōlelo a moʻomeheu pālua e hoʻohanohano ana i ka ʻike kuʻuna o kona kaianoho I kūkohu no ka ʻāwili ʻia ʻana o ka ʻepekema me ka moʻomeheu o ia ʻāina no ko ke kaiāulu e komo nui ai ke kaiāulu; a

ʻOIAI, ua hoʻomakakoho ke Kulanui o Hawaiʻi, ka hui nui o ʻImiloa, i ka hoʻonui ʻia ʻana i nā ala hoʻonaʻauao no ka haumāna Hawaiʻi, nā kamaʻaina, a me nā kānaka noho ma Hawaiʻi no ke kilolani, ke kilohōkū, me ka holowaʻa ma ka hoʻonui ʻana I ke kākoʻo kālā, ka hoʻomohala ʻana i nā papahana e kālele ana I ka ʻike ʻōiwi, me ka hoʻonui ʻana I ka hiki I nā haumāna ke hoʻohana iā Mauna Kea no ke kilolani ʻana; a

ʻOIAI, ma ka hopena o ka noiʻi a hoʻoholo e ka Papa Alakaʻi o ka ʻOihana Kumuwaiwai ʻĀina i ke noiʻi i ka palapala ʻae hoʻohana ʻāina no kā Thirty-Meter-Telescope (TMT), ua palapala ʻia ko TMT hana pū ʻana me ke keʻena o Mauna Kea Management a me ke Kikowaena Kilohōkū ʻo ʻImiloa no ka hoʻomohala ʻana i nā hōʻike no Hale Pōhaku e pili ana i nā kumuwaiwai kuʻuna, kūlohelohe, a o ke au kahiko me ka hoʻokumu pū ʻana i keʻena TMT e hana pū ana me ʻImiloa a me na hui Hawaiʻi no ka moʻomeheu HawaiʻI me nā kumuwaiwai hulikoehana.

NO LAILA, E HOʻOHOLO ʻIA E Ka ʻAhahui Sīwila o Hawaiʻi ma kēia, ʻaha 59 o kākou ma Kalapaki, Kauaʻi i ke kau ʻana o Welehu ma ka malama ʻo ʻOlepau, ma ka lā 17 o Nowemapa 2018, e kākoʻo i Ke Kikowaena ʻo ʻImiloa no kona kuleana hoʻonaʻauao e alakaʻi ana i ka ʻike Hawaiʻi a me nā kumu waiwai Hawaiʻi ma Hale Pōhaku ma Mauna Kea; a

NO LAILA, E HOʻOHOLO HOU ʻIA, e paipai ʻia ana i ka lilo ʻana aku ʻo ke kuleana hoʻonaʻauao kilohōkū ma lalo ke Kulanui ʻo Hawaiʻi ma Hale Pōhaku a i ke Kikowaena ʻo ʻImiloa, a me

NO LAILA, E HOʻOHOLO HOU ʻIA, e hoʻouna ʻia ana i kope o nei ʻōlelo hoʻoholo i ke “Poʻo o ka Papa AlakaʻI o ka ʻOihana Kumuwaiwai ʻAina, Poʻo Kulanui o Ke Kulanui ʻo Hawaiʻi ma Hilo, Ka Luna Hoʻokele o ke Kikowaena ʻo ʻImiloa, Ke Alakaʻi o Directors of Research Corporation of the University of Hawaiʻi , Pelekikena, ʻAha Hui Sīwila ʻo Ke Aloha ʻĀina, a me ke Kiaʻāina o Hawaiʻi, ka Luna Hoʻomalu o ka ʻAha Kenekoa Hawaiʻi, Luna Hoʻomalu o ka Hale o Nā Luna Makaʻāinana o Hawaiʻi, ka Luna Hoʻomalu o ke Kōmike Kuleana Hawaiʻi o ka Hale Luna Makaʻāinana o HawaiʻI, ka Luna Hoʻomalu o Ka Papa Kahu Waiwai o ke Keʻena Kuleana Hawaiʻi a me nā Meia o nā Kalana o Hawaiʻi.

Ua hō‘oia ‘ia e ka mea pūlima o lalo iho nei ka ho‘āpono ‘ia o ka ‘ōlelo ho‘oholo, i ke kau ʻana o Welehu ma ka malama ʻo ʻOlepau, ma ka lā 17 o Nowemapa 2018, ma ka ‘Aha Kū Makahiki Kanalimakūmāiwa o ka ‘Ahahui Sīwila Hawai‘i ma Kalapaki, Kaua‘i.

 

Annelle C. Amaral, President